Հետազոտություն Արարատի մարզի 10 գյուղերում իրականացված ուսումնասիրությունը ցույց է տվել, որ ջերմոցային տնտեսությունների 78.2%-ում թունաքիմիկատներն օգտագործվում են առանց համապատասխան մասնագիտական դասընթացների։

Ուսումնասիրության համաձայն՝ ջերմոցատերերի շուրջ 51.8%-ը թունաքիմիկատների օգտագործման վերաբերյալ խորհրդատվություն ստանում է հիմնականում վաճառողներից։

Օգոստոսի 25–26-ին Արարատի մարզում ֆրանսիացի մասնագետները ջերմոցատերերի և աշխատակիցների համար անցկացրել են երկօրյա դասընթացներ՝ ներկայացնելով թունաքիմիկատների անվտանգ օգտագործման կանոնները և քիմիական միջոցների հնարավոր այլընտրանքները։ Մասնագետները, մասնավորապես, ներկայացրել են Հայաստանում տարածված եղինջի կիրառման հնարավորությունները։

Ըստ ներկայացված տեղեկության՝ եղինջը պարունակում է մի շարք հանքային տարրեր և կարող է կիրառվել որոշ քիմիական միջոցների փոխարեն։ Դասընթացի ընթացքում ջերմոցատերերին նաև գործնականում սովորեցրել են, թե ինչպես պաշտպանվել թունաքիմիկատների հետ աշխատելիս՝ սկսած համապատասխան հանդերձանքից մինչև աշխատանքի ավարտից հետո հիգիենայի կանոնների պահպանումը։

Ամբողջական հոդվածը կարող եք կարդալ «Առավոտ»-ում։ "Կարդալ ամբողջական հոդվածը՝ «Եղինջը կփրկի հայերին»" (https://reference-url-citation.invalid/0)