Գյուղատնտեսության ոլորտում վարկերի կամ լիզինգի տոկոսադրույքների սուբսիդավորմամբ իրականացվող պետական աջակցության ծրագրերի շրջանակներում մինչև 2021 թվականի դեկտեմբերի 31-ը ֆինանսական կառույցների կողմից դրամով տրամադրվող վարկերի կամ լիզինգի փաստացի տոկոսադրույքը չպետք է գերազանցի 14%-ը։ Որոշումն ընդունվեց կառավարության փետրվարի 11-ի նիստում։
Պետական աջակցության ծրագրերի շրջանակներում մինչև 2021 թվականի դեկտեմբերի 31-ը տրամադրվող վարկերի կամ լիզինգի տոկոսադրույքի սուբսիդավորումը կիրականացվի վարկային կամ լիզինգային պայմանագրերով սահմանված տոկոսադրույքների չափով, այսինքն՝ այնպիսի չափաքանակով, որպեսզի վարկերը կամ լիզինգը տնտեսավարողներին հասանելի լինեն 0% տոկոսադրույքով։
«2020 թվականին ռեկորդային թվով վարկեր ենք տրամադրել, ընդ որում՝ 2018 թվականի համեմատ 2020 թվականին տրամադրված վարկերը 6 անգամ գերազանցել են ցուցանիշը»,- տեղեկացրեց վարչապետ Փաշինյանը։
«2020 թվականին ռեկորդային թվով վարկեր ենք տրամադրել, ընդ որում՝ 2018 թվականի համեմատ 2020 թվականին տրամադրված վարկերը 6 անգամ գերազանցել են ցուցանիշը»,- տեղեկացրեց վարչապետ Փաշինյանը։
Ըստ նրա՝ եթե 2018 թվականին 5782 վարկ է տրամադրվել, ապա 2020-ին 36 608 վարկ է տրամադրվել։
«Ընդ որում, 2020 թվականի գյուղատնտեսական տարին անցավ բուռն քննադատությունների պայմաններում, որ մենք գյուղացիներին վարկ չենք տալիս։ 2018 թվականի նկատմամբ գյուղատնտեսական վարկերի ծավալը եռակի աճել է։ Կարևոր է ընդգծել, որ անցած տարի աշնանացան ցորենի ծրագիր ենք իրականացրել, այս տարի էլ պլանավորում ենք գարնանացան ցորենի ծրագիր իրականացնել։ 2020 թվականին Հայաստանից պահածոների և հյութերի արտահանումն աճել է 30 և 38 %-ով»,- ասաց վարչապետը։
Էկոնոմիկայի նախարարն էլ նշեց, որ այս նախագծի ընդունումը հնարավորություն կտա ֆինանսական կառույցներին վարկերի կամ լիզինգի տոկոսադրույքի սուբսիդավորմամբ իրականացվող պետական աջակցության ծրագրերին մասնակցել և ապահովել գյուղատնտեսության ոլորտում իրականացվող պետական աջակցության ծրագրերի շարունակականությունը, ինչպես նաև՝ պետական աջակցության ծրագրերին մասնակից բոլոր տնտեսավարողների համար ապահովել միանման արտոնյալ պայմաններ:
«Ընդ որում, 2020 թվականի գյուղատնտեսական տարին անցավ բուռն քննադատությունների պայմաններում, որ մենք գյուղացիներին վարկ չենք տալիս։ 2018 թվականի նկատմամբ գյուղատնտեսական վարկերի ծավալը եռակի աճել է։ Կարևոր է ընդգծել, որ անցած տարի աշնանացան ցորենի ծրագիր ենք իրականացրել, այս տարի էլ պլանավորում ենք գարնանացան ցորենի ծրագիր իրականացնել։ 2020 թվականին Հայաստանից պահածոների և հյութերի արտահանումն աճել է 30 և 38 %-ով»,- ասաց վարչապետը։
Էկոնոմիկայի նախարարն էլ նշեց, որ այս նախագծի ընդունումը հնարավորություն կտա ֆինանսական կառույցներին վարկերի կամ լիզինգի տոկոսադրույքի սուբսիդավորմամբ իրականացվող պետական աջակցության ծրագրերին մասնակցել և ապահովել գյուղատնտեսության ոլորտում իրականացվող պետական աջակցության ծրագրերի շարունակականությունը, ինչպես նաև՝ պետական աջակցության ծրագրերին մասնակից բոլոր տնտեսավարողների համար ապահովել միանման արտոնյալ պայմաններ:
